أول حاجة هي التأني ثم التأني ثم التأني ماتزربوش راه عندكم الوقت الكاااااااافي باش تسجل و كولشي غادي اتسجل ان شاء الله حيت عندك فرصة وااااحدة باش تسجل برقم البطاقة الوطنية ديالك
ثانيا من الأحسن تسجل من الحاسوب و كانصحكوم ماتسجلوش من التلفون .
ثالثا ضروري و مؤكد إكون عندك إميل ديالك كيما كان ( gmail او hotmail او yahoo ….) لي مهم هو إكون عندك الكود ديالو و جربو هو لول عاد تسجل بيه، انا كانصحكم ب gmail حيت ساهل ف الاستخدام، علاش ؟ حيت فيه كايوصلك الكود الخاص بيك الا بغيتي تبدل شي حاجة فالتسجيل ديالك و فيه ايضا كايوصلك وصل التسجيل الا مابغاش اتيليشارجا ليك مباشرة من البوابة.
رابعا حافظوا على كود لي غايعطيوك الا تسجلتي باش ملي تبغي تخرج الوصل كايطلب منك رقم البطاقة و داك الكود لي عطاوك و في حالة نسيتي الكود كانمشيو للإميل كالقاوه فيه.
خامسا فالتسجيل كاينين 2 مراحل . المرحلة الاولى كادير المعلومات ديالك بالفرنسية و العربية و كاتختار الجهة و الاقليم فاش غادفع و كادير حفظ و كاتخرج فحالك . المرحلة الثانية هي الأهم هي ملي الوزارة كاتزيد خانة ف تحت فيها ( المصادقة على الطلب ) يعني غير تورك على هاد المصادقة راه مابقاش عندك الحق تبدل او تصحح حتى معلومة، اذن قبل مادير مصادقة تأكد من جميع المعلومات ديالك و ايضا بامكانك تبدل الاقليم او الجهة… عاد دير مصادقة ثم طبع الطلب .
سادسا . ملي تبدا كادخل النقط ديال السوميسترات s1 s2 s3 s4 s5 s6 مثلا عندك نقطة فيها الفاصلة خاصك تكتبها على هاد الشكل (12.34) يعني دير نقطة ماشي (,) الفاصلة ، و فالاخير شوف المعدل العام راه غادين احسبوه ليك اوتوماتيكيا شوف واش خرج هو هاداك.
سابعا ملي تخرج الوصل غادي تجمعو ف الضوسي هو و الالتزام لي ايضا غايكون فالبوابة الالكترونية و نسخة من الاجازة و نسخة من بيان النقط فيها طبع ديال الكلية فاش قريتي و نسخة من البطاقة الوطنية و نسخة من الديبلومات او شواهد ديال السطاج لي دوزتي ف شي مدرسة او اي حاجة عندها علاقة ب التعليم الا كانت يعني ماشي ضروري . و تديهم دفعهم فالمديرية لي ختاريتي .
ثامنا ملي دوز واحد يومين او ثلاثة ايام عاود دخل للبوابة الالكترونية بالكود لي خبيتي فاللول و سير لتحت الصفحة الا بانت ليك هاد الجملة ( الطلب مصادق عليه من طرف المديرية الاقليمية ) يعني راه كولشي داز مزيان و ضوسي ديالك دخل للسيستيم عندهم بنجاح .
ملاحظة : التسجيل ابتداءا من اليوم “الجمعة”
التأني ثم التأني ثم التأني
الموضع منقول للإفادة
شارك المعلومة لتصل الجميع
